مدة التعتيق والصلاحية

مفيش رقم علمي واحد لمدة التعتيق. اللي بيحددها هو نوع العطر، وده اللي بتعمله بيوت العطور. العطور الخفيفة (حمضيات، أعشاب، مائي) محتاجة وقت أقل، والعطور اللي فيها أخشاب وراتنجات وطحالب وفانيليا وتونكا محتاجة وقت أطول عشان القاعدة تتجانس مع الكحول.

المدد المعتادة

مدة كل عطر عندنا

إزاي بنعتّق

1. إزاز مقفول ومليان لآخره عشان الهوا اللي جوه يبقى أقل.
2. مكان ضلمة وحرارته ثابتة وأقل من ٢٥ درجة.
3. بعد المدة: التلاجة ٢٤–٤٨ ساعة (٠–٥ درجة) وبعدين فلترة، عشان العطر ما يتعكّرش بعدين.

الصلاحية بعد أول استخدام

بنكتب صلاحية ٢٤ شهر من أول استخدام. ده رقم متحفظ لأن زيوتنا فيها حمضيات ولافندر، وهي أسرع حاجة بتتأكسد، ومش عاملين اختبار ثبات معملي لسه.

ميعاد أول استخدام = يوم ما التعتيق يخلص. من اليوم اللي تفتح فيه الزجاجة تبدأ الـ٢٤ شهر.

التخزين

ابعده عن الشمس والحرارة وما تسيبوش في العربية، واقفله كويس بعد كل استخدام. الدراسات لقت إن الزيوت العطرية بتتأكسد وريحتها بتبوظ من ٤٠ درجة، والعطر بيفقد ثباته فوق ٥٠ درجة، والمكوّنات المتأكسدة (زي اللينالول) ممكن تعمل حساسية للجلد.

المصادر

• Frederic Malle عن مدد التعتيق (عبر Musings of a Muse)
  العطور الكلاسيكية كانت بتتعتّق ٤–٨ أسابيع، والكولونيا أقل من الشيبر التقيل.
• Tendance Parfums: دليل التعتيق (Maceration)
  ٣–٤ أسابيع حد أدنى معقول، ٤–٦ معتاد، والخشبي والراتنجي شهور.
• Scent.vn: خطوات تصنيع العطور
  بعد التعتيق تبريد سريع (−٥ لـ +٥ درجة) وفلترة باردة.
• لائحة الاتحاد الأوروبي لمستحضرات التجميل 1223/2009، مادة 19
  المنتج اللي صلاحيته أكتر من ٣٠ شهر بيتكتب عليه رمز الصلاحية بعد الفتح (مثلاً 24M).
• EcoMundo: قواعد صلاحية مستحضرات التجميل
  شرح الفرق بين تاريخ الصلاحية والصلاحية بعد الفتح.
• Gámez وآخرين 2018: ثبات العطور تحت الحرارة والضوء
  الزيوت بتتأكسد من ٤٠ درجة، والعطر بيفقد ثباته فوق ٥٠ درجة.
• Matura وآخرين 2005، Contact Dermatitis
  مكوّنات زي اللينالول لما تتأكسد بالهوا بتعمل حساسية جلد.