بنقيس، مش بنخمّن.

قيمة التطوير

العطر عندنا مش بيقف عند أول دفعة. بنجرّب زيوت من شركات مختلفة لنفس العطر، وكحول مختلف، ومدد تعتيق مختلفة، وبنشتري أجهزة قياس وتصنيع، وعطور أصلية نتعلّم منها، وساعات بنبعت لمعامل.

المصاريف دي بتتقسم على القزايز الجاية، وكل مصروف بيقف أول ما يرجع. اللي بيتصرف على عطر معيّن بيتحمّل عليه هو بس، واللي بيفيد كل العطور بيتقسم عليهم كلهم. والقيمة مكتوبة جنب السعر، مش مستخبية جواه.

ولو اشتريت مننا قبل ما نصرف على تطوير معيّن، مش هتدفعه. انت معانا من الأول، وشراك هو اللي خلانا نكمّل.

عشان كده مش هتلاقي عندنا تخفيضات. بالعكس، العطر بيتحسّن مع الوقت. وفي نفس الوقت بنوزن تكلفة التطوير بزيادة المبيعات، عشان السعر يفضل معقول وتقدر تجرّب أكتر من عطر. وعشان نطوّر بجد، مش هنكتّر عطور: عدد قليل بنشتغل عليه لحد ما نوصل لأحسن نسب وخامات ومدة تعتيق، بالقياس مش بالرأي.